Kaspersky Endpoint Security for Windows жаңартуларын автоматты түрде орнату
Клиент құрылғыларында Kaspersky Endpoint Security for Windows бағдарламасының дерекқорлары мен модульдерін автоматты түрде жаңартуды конфигурациялауға болады.
Kaspersky Endpoint Security for Windows жаңартуларын құрылғыларға жүктеуді және автоматты түрде орнатуды конфигурациялау үшін:
Бағдарламаның негізгі терезесінде Құрылғылар → Тапсырмалар бөліміне өтіңіз.
Қосу түймесін басыңыз.
Жаңа тапсырма жасау шебері іске қосылады. Содан кейін, шебердің нұсқауларын орындаңыз.
Kaspersky Endpoint Security for Windows бағдарламасы үшін Жаңарту тапсырмасы ішкі түрін таңдаңыз.
Жасап жатқан тапсырманың атын көрсетіңіз. Тапсырма атауы 100 таңбадан асуы және арнайы таңбаларды ("*<>?\:|) қамтуы мүмкін емес.
Тапсырманың әрекет ету ауқымын таңдаңыз.
Тапсырма қолданылатын басқару тобын, құрылғылар немесе құрылғы таңдауын көрсетіңіз.
Тапсырманы жасауды аяқтау қадамында, әдепкі бойынша тапсырма параметрлерін өзгерткіңіз келсе, Жасап болған соң, тапсырма туралы мәліметтерді ашу параметрін қосыңыз. Егер сіз бұл параметрді қоспасаңыз, тапсырма әдепкі бойынша белгіленген параметр мәндерімен жасалады. Әдепкі бойынша параметр мәндерін кейінірек кез келген уақытта өзгертуге болады.
Жасау түймесін басыңыз.
Тапсырма жасалып, тапсырмалар тізімінде көрсетіледі.
Тапсырма сипаттары терезесін ашу үшін жасалған тапсырманың атын басыңыз.
Жаңарту тапсырмасы сипаттары терезесінде, Бағдарлама параметрлері қойыншасында жергілікті немесе ұялы режимді көрсетіңіз:
Жергілікті режим: құрылғы мен Басқару сервері арасында байланыс орнатылған.
Ұялы режим: құрылғы мен Kaspersky Security Center арасында байланыс орнатылмаған (мысалы, құрылғы интернетке қосылмаған болса).
Kaspersky Endpoint Security for Windows бағдарламасының дерекқорлары мен модульдерін жаңарту үшін пайдаланғыңыз келетін жаңарту көздерін қосыңыз. Тізімдегі жаңарту көздерінің орнын өзгерту қажет болса, Жоғары жылжыту және Төменге жылжыту түймелерін пайдаланыңыз. Бірнеше жаңарту көздері қосылған болса, Kaspersky Endpoint Security for Windows бағдарламасы оларға бір-бірлеп, тізімнің жоғарғы жағынан бастап қосылуға тырысады және бірінші қолжетімді көзден жаңарту пакетін алып шығару арқылы жаңарту тапсырмасын орындайды.
Бағдарлама модульдерінің жаңартуларын бағдарлама дерекқорларымен бірге жүктеу және орнату үшін Бағдарлама модульдерінің жаңартуларын орнату параметрін қосыңыз.
Егер параметр қосулы болса, Kaspersky Endpoint Security for Windows бағдарламасы пайдаланушыға бағдарлама модульдерінің қолжетімді жаңартулары туралы хабарлайды және жаңарту тапсырмасы орындалған кезде бағдарлама модульдерінің жаңартуларын жаңарту пакетіне қосады. Kaspersky Endpoint Security for Windows бағдарламасы тек сіз Расталды күйін орнатқан жаңартуларды орнатады; жаңартулар бағдарлама интерфейсі арқылы немесе Kaspersky Security Center арқылы жергілікті түрде орнатылады.
Сондай-ақ, Бағдарлама модулінің критикалық жаңартуларын автоматты түрде орнату параметрін қосуға да болады. Бағдарлама модульдерінің жаңартулары болған кезде, Kaspersky Endpoint Security for Windows бағдарламасы Критикалық күйі бар жаңартуларды автоматты түрде орнатады; бағдарлама модульдерінің қалған жаңартуларын – әкімші оларды орнатуды мақұлдағаннан кейін.
Егер бағдарлама модульдерін жаңарту Лицензиялық келісімнің және Құпиялылық саясатының ережелерімен танысуды және келісуді көздейтін болса, онда пайдаланушы Лицензиялық келісімнің және Құпиялылық саясатының ережелерімен келіскеннен кейін, бағдарлама жаңартуды белгілейді.
Бағдарлама жүктелген жаңартуларды қалтаға сақтайтын Жаңартуларды қалтаға көшіру жалаушасын қойыңыз, содан кейін қалта жолын көрсетіңіз.
Тапсырманы бастау кестесін белгілеңіз. Уақтылы жаңартуды қамтамасыз ету үшін, Қоймаға жаңартуларды жүктеу кезінде нұсқасын таңдау ұсынылады.
Сақтау түймесін басыңыз.
Жаңарту тапсырмасын орындау кезінде, бағдарлама "Лаборатория Касперского" жаңартулар серверлеріне сұрау салады.
Кейбір жаңартулар басқарылатын бағдарлама плагиндерінің соңғы нұсқаларын орнатуды талап етеді.